هدف جديد هيقرب مصر من حلم الـ 30 مليون سائح.. شوف الحكومة بتعمل إيه علشان تنشط السياحة الصحية
مصر بفضل البنية التحتية اللي عملتها خلال السنين اللي فاتت بقي عندها نوع مهم جدا من السياحة اسمه السياحة الصحية.. ياتري اية حقيقة السياحة دي .. وآية الفائدة اللي بترجع علي مصر منها.. ومستهدفات الاقتصاد المصري من السياحة الصحية بتوصل لكام.
زمان في حملات كتيرة قامت بيها الجماعات إياها والدول اللي كان هدفها سقوط الدولة المصرية علي الجهود اللي قامت بيها الدولة المصرية في مجالات الطرق والكباري وطبعا اكيد سمعت افيه منهم بيقلش علي مصر أنها بقت دولة الطرق والكباري، وان الحكومة مش بتعمل اية حاجة إلا يبنبوا طرق وكباري، بس محدش عارف الهدف الابعد للحكومة من الثورة اللي قامت بيها لتحديث البنية التحتية وهو خدمة الاقتصاد المصري .
جزء كبير من أهداف البنية التحتية اللي قامت بيها الحكومة المصرية هو خدمة قطاع السياحة واللي بيعد تاني أهم مصدر للدخل الدولاري لمصر من الخارج بعد قناة السويس واللي للاسف إيراداتها تراجعت باكثر من 70% عن الإيرادات اللي كانت بتحقق قبل كده ووصلت نسب التراجع لأكثر من 7 مليار دولار، وده رقم كبير جدا لو كان دخل الاقتصاد المصري كان هيغير نسبة كبيرة من شكل الاقتصاد المصري.
طيب اية الفائدة اللي بترجع علي الاقتصاد المصري من السياحة الصحية؟.
لازم نعرف أن مصر زي ما هيا دولة عندها اثار مفيش زيها في العالم لازم برضوا تعرف انها دولة متميزة في السياحة الصحية والسياحة الصحية دي مش بس علاج طبي، وهيا بتشمل السياحة العلاجية والاستشفاء البيئي والسياحة الطبية وده بيشمل الناس اللي بيجوا يتعالجوا أو يستفيدوا من بيئة طبيعية تساعدهم على الشفاء.
الحكومة علشان تبدأ تنشط النوع ده من السياحة أطلقت عدد من المبادرات الحكومية زي مبادرة نحو سياحة صحية مستدامة لتسويق مصر كوجهة علاجية، ده غير التوسعات اللي حصلت في إنشاء المراكز الطبية المتخصصة خصوصا في مجالات العيون والقلب والأورام وكمان بدأنا ناخذ خطوات من المقومات الطبيعية زي العيون الكبريتية والرمال العلاجية والمناخ المعتدل وعندنا أماكن كتيرة مميزة زي واحة سيوة والعين السخنة وسفاجا واللي وبدنا تروح بشكل كبير جدا لمنتج جديد اسمه اسمه السياحة العلاجية والاستشفائية.
خطوة مهمة من الخطوات اللي قامت بيها الحكومة لزيادة وتطوير السياحة الصحية والاستشافية من خلال التعاون مع القطاع الخاص، وشجعن الاستثمارات في المستشفيات والمنتجعات الصحية، وروجنا للسياحة الصحية في المؤتمرات الدولية والمعارض السياحية .
هدف مهم من أهداف الحكومة للترويج للسياحة الصحية والاستشافية هيا زيادة الدخل القومي خصوصا أن السياحة الصحية بتعد مصدر دخل قوي خصوصا أن السائح الطبي بينفق أكثر من السائح العادي وبتوفر عملة صعبة وبتدعم الميزان التجاري وبتوفر فرص عمل والتوسع في القطاع ده بيخلق وظائف مباشرة في القطاع الطبي.
في هدف ابعد كمان أن الحكومة من تنشيط السياحة الصحية والعلاجية وهو تنشيط التوافد علي مدن معينة وبعيدة عن خريطة السياحة خصوصا اننا متعودين أن السيةحة كلها جاية الي المدن التقليدية زي القاهرة والإسكندرية وشرم الشيخ والغردقة وغيرها من المدن المعرفة بارتفاع اعداد السائحين فيها، لكن مع دخول السياحة الصحية والاستشافية ظهرت معانا مناطق سياحيه جديدة زي واحة سيوة والوادي الجديد وسفاجا، وبكده خلقنا مناطق سياحية مهمة هتكون خلال وقت قريب قوي وجه أساسية للسائحين من كل دول العالم .
