بعد فتح الباب.. شروط تضمن حصولك على شقة من طرح سكن لكل المصريين 7
شقق الاسكان الاجتماعي واحدة من الحاجات اللي عليها أسئلة كتيرة جدا في الشارع المصري.. يا ترى ايه حكاية الشقق دي ومين اللي يقدر يقدم عليها.. وآية شروطها وسعرها بيوصل لكام.
من وقت تولي الرئيس عبدالفتاح السيسي قيامة الجمهورية الجديدة وهو في اهتمام خاص بالفئات محدودة ومتوسطة الدخل ده بيحصل من خلال برامج الرعاية الاقتصادية اللي من كل وقت للتاني بيصدر قرار رئاسي للحكومة ببدء العمل عليهم وإقرارهم سواء كانت في زيادة المرتبات أو حتي زيادة الدعم الموجه للسلع التموينية أو في برامج الإسكان الاجتماعي واللي هيا مخصصة للفئات الاولي بالرعاية والطبقة محدودة ومتوسطة الدخل.
الدعم الحكومي لبرامج الإسكان الحكومة بدأت واعلنت منه حتي الأن علي عدد من الطروحات اللي مقدمه للفئات الاولي بالرعاية وده ضمن المبادرة الرئاسية سكن لكل المصريين، وكانت البداية بالاعلان عن طرح اكثر من 79 الف وحدة سكنية للفئات محدودة ومتوسطة الدخل لبرامج الإسكان الاجتماعي ضمن برنامج سكن لكل المصريين 5 واللي شهد إقبال غير عادي في الإقبال عليها من المواطنين ووصل عدد المواطنين اللي قدموا في المبادرة لأكثر من 500 الف مواطن وده رقم كبير جدا.
الاقبال الكبير من المواطنين علي طرح سكن لكل المصريين 5 فتح نفس الحكومة علشان تكرر طرح وحدات سكنيه جديدة للمواطنين وللمرة التانية صدر توجيه رئاسي للحكومة بتجهيز طرح جديد لشقق الاسكان الاجتماعي والمرة دي الحكومة طرحت أكثر من 113 الف وحدة سكنية ضمن برنامج سكن لكل المصريين 7 وده الأولوية فيه بتكون للمواطنين اللي قدموا في برنامج سكن لكل المصريين 5 واللي هما كانوا خارج الأولوية او مش منطبق عليهم الشروط وكانوا مستبعدين من القرعة بسبب وجود عدادات كهرباء أو عدادات غاز طبيعي، بشرط أنهم يقننوا أوضاعهم وكمان يكونوا في المرحلة السنية ما بين 21 الي 50 سنة وكمان يكون في الشريحة المستهدفة من الدخل من 3500 الي 15 الف جنيها للأسرة ومن 3500 الي 12 الف جنية للفرد الاعزب.
من يوم 28 يوليو اللي فات الحوطة فتحت باب تلقي طلبات التقديم في برنامج سكن لكل المصريين 7 وكانت البداية بإتاحة التقديم للفئات من ذوي الاحتياجات الخاصة ودي كان مخصص لهم التقديم في الفترة من 28 يوليو ولحد يوم 5 اغسطس، وحاليا التقديم متاح لكل فئات المجتمع بما فيهم أخواتنا من ذوي الاحتياجات الخاصة وهيكون متاح لحد يوم 28 أغسطس الحالي.
أما بقي الناس اللي بتسال علي الشروط والاسعار، فالحكومة حددت أنواع مختلفة من الشروط أولهم للناس اللي كانت مقدمة في برنامج سكن لكل المصريين 5 ودول هيكون مطلوب متهم طباعة استمارة الحجز من كراسة الشروط اللي هيتنزلها من علي بوابة مصر الرقمية ويرفق معاها إيصال السداد اللي بقيمة 50 الف جنية قيمة جدية الحجز، وهيرفعهم فيي ملف مش هيتعدي مساحته 2 ميجابات علي موقع بوابة مصر الرقمية.
أما بقي الناس اللي هتقدم اول مرة فدول هيكون مطلوب منه ملف كامل للتقديم وده عبارة عن قيد عائلي عائلي وشهادات ميلاد لأبناء وبطاقة سارية للمواطن وزوجته ومفردات مرتب وعقد ايجار ووصل مرافق ووصل سداد مقدم جدية الحجز واللي بقيمة 50 الف جنية وهيرفع برضو في ملف علي بوابة مصر الرقمية.
