وداعا للأسعار الجنونية.. الحديد يخسر 1700 جنيه دفعة واحدة.. ومزيد من الانخفاضات في الطريق
في كلام كتير ووعود أن أسعار حديد التسليح هتنخفض يشكل كبير الفترة اللي جاية.. ياتري اية حقيقة الكلام ده .. ومعدل الانخفاض في الأسعار هيوصل لكام .
من كام يوم كان في مؤتمر صحفي للدكتور مصطفى مدبولي رئيس مجلس الوزراء وأكد أن الوقت حان علشان المواطن المصري يبدأ يحس بالجهود اللي قامت بيها الحكومة لتحسين صورة الاقتصاد المصري خصوصا بعد الجهود الكبيرة اللي قامت بيها الحكومة لتحسين سعر صرف الجنية المصري وده اللي حصل فعلا وبدأ يحصل تحسن تدريجي في سعر صرف الجنيه المصري قدام العملات الأجنبية.
تصريحات رئيس مجلس الوزراء في ناس تعامت معاها كأنها شئ من الخيال خصوصا أن أغلب الناس قالوا هل لي حاجة سعرها بيرتفع وترجع تخفض تاني، ولكن أغلبنا محدش عارف اية اللي حصل بعد التصريح ده.
طيب اية اللي بتعمله الحكومة علشان تخفض اسعار السلع في مصر وآية اللي هيحصل في حديد التسليح ؟.
الفترة اللي فاتت ريس مجلس الوزراء عمل اجتماع مهم جدا مع التجار والمستوردين وطالبهم بتخفيض حقيقي في أسعار السلع والمستلزمات خصوصا أن أسعار الصرف في مصر مستقرة من فترات بعيدة، ومفيش اي داعي علشان الأسعار ترتفع ده غير أن أسعار صرف الجنية المصري بدأت تتحسن، وفي استقرار كبير في السوق المصري، وفعلا التجار والمستوردين وعدوا رئيس مجلس الوزراء أنهم هيطرحوا تخفيضات حقيقة علي أسعار المنتجات والسلع، وان التخفيض ده هيبدا يتحقق من بداية شهر أغسطس الحالي وتحديدا من الاسبوع الحالي وده فعلا اللي حصل في عدد كبير من السلع أسعارها انخفضت ومرشحة للانخفاض أكثر في الفترة اللي جاية أولهم حديد التسليح واللي اسعارها بعد تصريح ريس مجلس الوزراء انخفضت باكثر من 1700 جنية وفي توقعات بوجود انخفاضات تانية الفترة اللي جاية .
سبب مكان هيخلي أسعار حديد التسليح تنخفض في مصر هو الركود اللي موجود في سوق العقارات في مصر بسبب الفقاعة العقارية اللي موجودة في السوق، والفقاعة معانها أن العقارات المعروضة للبيع حاليا سعرها اعلي بكتير من سعرها الحقيقي، والسبب من ده أن كل واحد عنده شقة سكنية أو بيت عايز يحقق من بيعه اعلي رقم ممكن والسعر اللي معروض بيه للبيع هو تصريح لسان مش تصريح تكلفة ومباني وخدمات .
الفقاعة العقارية اللي موجودة في سوق العقارات في مصر مع الوقت خلت في ركود شديد في حركة البيع والشراء في مصر وقليل جدا اللي بيكون عنده رغبة حقيقية للبيع والشراء ولو في حد عنده للبيع والشراء للاسف بيتصتدم بالاسعار الموجودة في السوق، وده اللي خلي اغلب المطورين العقاريين يلجأ لطرح نظم بيع بالقسط لتنشيط حركة البيع والشراء خصوصا أن سوق العقارات في مصر بيعاني، وبالتالي الطلب علي شراء حديد التسليح حاليا مش اقوي حاجة وفي أضعف مستوي ليه، وطرح تخفيضات هيكون سبب حقيقي من الحكومة لإعادة تنشيط سوق العقارات في مصر.
