ضربة جديدة من مصر لحكومات أوروبا بسبب الديزل.. شوف إيه اللي حصل
في ضربة كبيرة الحكومة المصرية وجهتها لدول أوروبا بسبب الديزل.. ياتري اية هيا الضربة دي واية تاثيرها علي الاقتصاد المصري والسوق العالمي.. واية المجالات اللي الحكومة بتستخدم فيها الديزل.
من بداية فصل الصيف وارتفاع درجات الحرارة والارتفاع الكبير اللي حصل في الاحمال الكهربائية اللي موجودة علي الشبكة الموحدة للكهرباء، وللاسف الارتفاع الكبير في الاحمال تزامن مع نقص كبير جدا في الانتاج المحلي في المواد البترولية خصوصا الغاز الطبيعي وجاي في وقت الورادات المصرية من الاستيراد كانت قليلة وبدرجات كبيرة بسبب دخول الدول المصدرة للغاز الطبيعي في مصر في التوترات الجيوسياسية .
وعلشان مصر تحل الأزمة الكبيرة اللي كانت موجودة في توفير التغذية الكهربائية اتجهت لأكثر من حل لضمان استمرار توفير المواد البترولية اللازمة لتشغيل محطات توليد الكهرباء اهمهم اتجاه مصر لاستخدام الديزل في تشغيل محطات توليد الكهرباء ووصلت معدلات ورادات مصر منه لـ 370 ألف برميل يوميا ودي كانت أزمة كبيرة جدا لدول قارة أوروبا واللي هيا بتستورد ارقام كبيرة جدا منه، وده عمل ربكة كبيرة لأسواق الطاقة .
الاتجاه الحكومي المصري لاستخدام الديزل بديلا عن المازوت والغاز الطبيعي في تشغيل محطات توليد الكهرباء كان حل سريع وفعال لضمان استقرار إنتاج الكهرباء، وده الي خلي الحكومة المصرية تفتح بابها لاستيراد الديزل من دول الشرق الأوسط وروسيا وسجلت وارداته نمو بنسبة 65% مقارنة بنفس الفترة دي من السنة اللي فاتت .
التحول المصري المفاجئ في الاعتماد علي الديزل زود الضغط على أسواق الديزل، وده دفع التجار إلى تحويل مسارات الإمدادات من شمال غرب أوروبا الي مصر وده أدي لانخفاض المخزونات الأوروبية في مراكز رئيسية زي أمستردام وروتردام لمستويات قليلة جدا .
الخطة المصرية لاستبدال الغاز الطبيعي والمازوت واستخدم الديزل، عمل أزمة كبيرة في اسواق أوروبا واللي بدأت تستعد من دولوقتي لفصل الشتاء، واللي بتتزايد فيه المخاوف في القارة العجوز من شح محتمل في إمدادات الديزل، وهل في احتمالات كبيرة لعودة أزمة الطاقة الشتوية اللي هزت قارة أوروبا في 2022.
