لو هتقدم في شقق سكن لكل المصريين 7.. شوف الشروط المطلوبة لضمان الفوز بالقرعة
النهاردة وزارة الاسكان والمرافق والمجتمعات العمرانية بدأت طرح جديد لشقق الاسكان الاجتماعي لمحدودي الدخل.. يا ترى ايه هي شروط الإعلان الجديد .. واية هيا خطوات التقديم فيه.. واية الشروط اللي اضمن بها الفوز بالقرعة.
من فترة طويلة ووزارة الاسكان والمرافق والمجتمعات العمرانية اعلنت عن استعدادها لطرح تكلميلي جديد لشقق سكن لكل المصريين 5 وده خاص بالناس اللي كانت خارج الأولوية أو غير منطبق عليهم الشروط بشرط أنهم يوفقوا اوضاعهم في الطرح الجديد للتقديم.
طيب اية يها خطوات التقديم في الطرح الجديد لشقق سكن لكل المصريين 7؟.
من كام يوم وزارة الاسكان ممثلة في صندوق الاسكان الاجتماعي ودعم التطوير العقاري أعلنت عن تفاصيل الطرح الجديد لشقق سكن لكل المصريين 7 واللي كراسة الشروط بتاعه هتكون متاحه بشكل الكتروني علي مواقع بوابة مصر الرقمية وصندوق الاسكان الاجتماعي، وهتوصل رسوم التسجيل في الطرح الجديد لـ350 جنية بالاضافة الي 350 جنيه تاني رسوم شراء الكراسة واللي هيتم دفعهم بشكل الكتروني ده بالنسبة للناس الجديدة واللي عايزة تقدم في الطرح الجديد، أما الناس اللي كانت قدمت في طرح سكن لكل المصريين 5 فيدفعوا 150 جنية بس كرسوم تسجيل.
الناس بقي اللي بتسال علي الأوراق والشروط المطلوبة للتسجيل فالوزارة حددتها أولا للناس اللي كانت خارج الأولية في تقديم سكن لكل المصريين 5 والاوراق هتكون تقديم استمارة حجز الوحدة السكنية والإقرار من كراسة الشروط، وإيصال سداد مقدم جدية الحجز 50 ألف جنيه، وفي حالة تحديث الحالة الاجتماعية أو جهة العمل بيتم إرفاق المستندات الجديدة.
أما بقي الناس اللي كانت مقدمه في سكن لكل المصريين 5 وكان صدر هم استبعاد لاي سبب فالاوراق اللي هتكون مطلوبة منهم هتكون عبارة عن نفس الاوراق المطلوبة للناس اللي كانوا خارج الأولية بالاضافة لرفع مستند سبب الرفض.
الناس بقي اللي هتقدم لأول مرة فالاوراق المطلوبة منهم هتكون عبارة عن مستندات لمفردات مرتب للمتقدم ومفردات مرتب للزوجة في حالة لو كانت شغالة ، وإيصال مرافق كهرباء أو غاز، وعقد إيجار وقيد عائلي في حالة الزواج وشهادة وفاة لو أرمل وقسيمة طلاق لو مطلق وشهادات ميلاد الأطفال أن وجد وإيصال السداد مصاريف الاداريه وجديه الحجز واستماره الحجز والإقرار من علي موقع الحجز.
