كواليس الساعات الأخيرة للجنة السياسات النقدية بالبنك المركزي المصري لمناقشة أسعار الفائدة
أقل من 24 ساعة والبنك المركزي هيصدر قرار هيكتب في التاريخ الحديث ياتري اية هو القرار ده وآية تأثيره علي حياة المصريين وهل هيكون سبب في زيادة أسعار السلع علي المواطنين.
قرارات لجنة السياسات النقدية بالبنك المركزي واحدة من الحاجات اللي بقت تشغل بال ناس كتير جدا خصوصا ان القرارات اللي بتصدر عنها بيكون لها تأثير سواء بالايجاب أو السلب علي الأسعار اللي بتهم كل المواطنين سواء كانوا متهمين بالاستثمار أو لا .
لجنة السياسات النقدية بالبنك المركزي هتعقد اجتماع جدا اليوم الخميس، علشان نناقش أسعار الفائدة الجديدة للفترة اللي جاية، وسر أهمية الاجتماع ده أنه جاي بعد اجتماعين للجنة السياسات النقدية بالبنك المركزي واللي صدرت عنهم قرارات بخفض لأسعار الفائدة، علشان كده الناس كلها عنها ترقب للقرار الجديد اللي هيصدر من لجنة السياسات النقدية بخصوص أسعار الفائدة وهب البنك المركزي هيصدر قرار جديد بخفض أسعار الفائدة ولا هيبقي عليها لفترة جديدة جاية ولا هيرجع في قرارراته ويرفع أسعار الفائدة من تاني.
طيب ايه هي اخر قرارات لجنة السياسات النقدية بالبنك المركزي ؟
خلال الفترة اللي فاتت لجنة السياسات النقدية بالبنك المركزي عقدت اجتماعين القرارات اللي خرجت فيهم كان طت كلها بتنص علي خفض أسعار الفائدة في مصر، والقرار الاول واللي كان مفاجأة للناس كلها واللي أصدرته لجنة السياسات النقدية بالبنك المركزي في شهر أبريل ووقتها اللجنة قررت خفض أسعار الفائدة بنسبة 225 نقطة أساس، ودي كانت أول مرة البنك المركزي يصدر قرار بخفض أسعار الفائدة.
الاجتماع الثاني للجنة السياسات النقدية بالبنك المركزي كان في شهر مايو اللي فات ووقتها اللجنة أصدرت قرار بخفض أسعار الفائدة في مصر بنسبة 100 نقطة أساس وده كان تاني مفاجأة من لجنة السياسات النقدية بالبنك المركزي للمواطنين خصوصا أن كانت كل التوقعات بتقول ان اللجنة هتبقي علي أسعار الفائدة زي ما هيا بدون زيادة وده بسبب الارتفاع النسب اللي حصل في التضخم في مصر وقتها،. كل الناس توقعت أن القرار الأقرب للصح واللي هيخرج عن اللجنة هيكون تثبيت أسعار الفائدة في مصر ولكن البنك المركزي فاجاة الناس كلها وقررت خفض جديد لأسعار الفائدة بنسبة 100 نقطة أساس.
اليوم هيعقد اجتماع جديد للجنة السياسات النقدية بالبنك المركزي واللي هيناقش أسعار الفائدة في مصر في الفترة اللي جاية وكل التوقعات بتأكد أن القرار اللي هيخرج عن اللجنة هيكون بخفض جديد لأسعار الفائدة في مصر، وأشد المتشائمين قالوا ان اللجنة هتثبت أسعار الفائدة في مصر الفترة اللي جاية، لكن مفيش اي رجعة في القرارات وسياسية البنك المركزي الحالية لخفض أسعار الفائدة في مصر.
هدف البنك المركزي من خفض أسعار الفائدة في مصر هو دعم الاستثمار خصوصا أن الفائدة العالية اللي كان البنك المركزي بيقدمها للعملاء علي قد ما هيا نفعت للمساعدة في خفض التضخم علي قد ما هيا أضرت بالاقتصاد المصري.
