مش بس غاز وسياحة.. مصر هتدخل مليارات الدولارات من تصدير الكهرباء
مصر هتعمل معجزة جديدة، والمعجزة دي هتكون من قطاع الكهرباء.. ياتري اية اللي بتعمله مصر في قطاع الكهرباء وآية مستهدفات مصر من القطاع ده.. وآيه الفائدة الاقتصادية اللي هترجع علي مصر من تحركات الحكومة في قطاع الكهرباء.
الحكومة في الفترة الحالية بتعمل تحركات كتيرة علشان تفتح ابواب جديدة للدخل الدولاري لمصر من الخارج، والمرة دي من قطاع كان بعيد جدا عن عن التفكير أنه يدخل كباب من أبواب الدخل الدولاري في الناتج القومي، وهو قطاع الكهرباء واللي كان علي مدار السنين اللي فاتت، عبارة عن قطاع بيكفي الحاجة والاستهلاك المحلي.
التفكير الجديد اللي الحكومة بدأت تطبيقه حاليا هو فتح باب جديد للدخل الدولاري وده هيحصل من خلال بناء وتشغيل خطوط ربط كهربائي لمصر من عدد كبير من الدول المجاورة لمصر زي السودان وليبيا واليونان وقبرص وإيطاليا والسعودية والأردن وكل الدول دي بقي لمصر خطوط ربط كهربائي معاهم، والخطوط دي هتكون عبارة عن طريق لنقل الطاقة الكهربائية بين البلدين.
الخطة المصرية من بناء وتشغيل خطوط الربط الكهربائي بين مصر والدول المجاورة في الاستراتيجية المصرية للطاقة هدفها تصدير الطاقة من خلال خطوط الربط الكهربائي، بمعني أن الخطة المكبرة اللي الدولة بتستهدف تحقيقها حاليا هو مد خطوط الربط الكهربائي للوصول لدول مختلفة غير الدول اللي موجودة فيها خطوط الربط الكهربائي حاليا، وفي الفترة اللي فاتت مصر عملت خطين كهربائيين مع ليبيا والسودان والهدف منهم هو تصدير الكهرباء لدول قارة أفريقيا ودول من أهم خطوط الكهرباء اللي مصر عملتها خصوصا أن في عدد كبير من دول القارة في أشد الحاجة للطاقة الكهربائية والتغذية الكهربائية للإنارة وتشغيل المصالح الحكومية والمصانع.
الدولة كمان عملت خط ربط كهربائي مهم جدا مع السعودية ووده الخط اللهم خصوصا أن القدرة الكهربائية بتاعته هتوصل ل 3000 ميجاوات وده رقم كبير جدا والهدف من الخط ده في الوقت الحالي هو تبادل الطاقة في وقت الذروة وده بمعني طول ما مصر عندها فائض في الإنتاج هتصدره للسعودية والعكس صحيح، والاتفاق اللي وقعتها مصر مع السعودية لتشغيل مشروع الربط الكهربائي بينص علي قيام مصر بتصديؤ الكهرباء في ساعات الليل والسعودية هتبعت لنا طاقة كهربائية في ساعات النهار، والهدف الأكبر من الخط ده هو تصدير الكهرباء لدول قارة آسيا وخصوصا دول مجلس التعاون الخليجي خصوصا أن الدول دي معرفة بارتفاع كبير في درجات الحراره وبالتالي الدول دي محتاجة بدرجة كبيرة للطاقة الكهربائية علشان تشتغل المكيفات لتخفيف درجات الحرارة الإنارة وتشغيل المصانع والمصالح الحكومية غيرها من المؤسسات هناك.
الحكومة كمان عندها أكثر من مشروع ربط كهربائي مع دول قارة أوروبا زي اليونان وقبرص وإيطاليا ودول الهدف منهم تصدير الكهرباء لدول أوروبا خصوصا أن القارة العجوز معروف عن دولها بارتفاع استخدامات الطاقة الكهربائية لتشغيل المصانع اللي منتشرة هناك وكمان الاستخدام المحلي في التدفئة بسبب الانخفاض اللي بيحصل في درجات الحرارة في فصول الشتاء، وطبعا الخطوط دي الهدف منها هو فتح باب جديد للإيرادات الدولارية لمصر من تصدير الكهرباء خصوصا مع الجهود الكبيرة اللي بتقوم بيها الدولة حاليا لزيادة الطاقة المنتجة من الكهرباء من مصادر الطاقة المتجددة زي الشمس والهواء والطاقة النووية واللي مستهدف يوصل إنتاجهم ل 42 من الطاقة المستهلكة في 2030 ومستهدف نوصل بانتاجهم ل 65% من الطاقة المستهلكة في 2040.
