فلوس الأهلي بانت عليه.. زيزو اشترى عربية فيراري بـ 50 مليون جنيه

فلوس الأهلي ظهرت.. والنعمة بانت عليه.. خلاص زيزو ودع أيام الفقر.. والبلية لعبت معاه.

ده الكلام اللى قالته جماهير الأهلى بعد أحدث ظهور للاعب احمد زيزو المنتقل للقلعة الحمراء من الغريم التقليدي نادي الزمالك.

زيزو ظهر في فيديو خلال أجازته فى الساحل الشمالى والكاميرات صورته وهو بيتجول بعربية فيرارى لونها أحمر وسعرها يتخطى ال 50 مليون جنيه.

زيزو اللى صفقة انتقاله للأهلى اتكلفت حوالى 400 مليون جنيه منها 27 مليون عمولة لأبوه.. كان مثار جدل كبير فى الوسط الرياضى المصري طول الشهور اللى فاتت.. وكان فيه صراع عليه بين الاهلى والزمالك لكن المسئولين فى الاهلى قدروا يخطفوا اللاعب فى صفقة هزت الشارع الرياضي.