جاب لمراته هدية عربية بورش سعرها 10 مليون.. الناس في الشارع واقفة مذهولة
الجمعة 04/يوليو/2025 - 03:00 ص
في مراسي ممكن تشوف حاجات عمرك ما شفتها.. وده بالظبط اللى حصل فى الساعات الأخيرة لما اتفاجيء الناس وهما ماشيين فى الشارع بواحد بيحتفل بعيد مراته وبيقدملها هدية صدمت المارة وأصحاب المحلات هناك.
صندوق ضخم مقفول.. كل الناس واقفة مستنية تشوف ايه اللى جواه .. وبعد دقايق من الترقب اتفتح الصندوق والناس اتصدموا لما لقوا الهدية عبارة عن سيارة بورش سعرها بيوصل ل 10 مليون جنيه .. ومش اى حد بيركبها فى مصر.
وبمجرد نشر الفيديو على منصات التواصل الاجتماعي انهالت التعليقات وتحديد من الستات وكل واحدة كانت قاعدة تندب حظها وتفتكر آخر هدية من جوزها.. قوليلنا بقا ايه آخر هدية جوزك جابهالك.
