شركة مصرية بتغير قواعد اللعبة في البترول.. أرقام قياسية وتحركات عاجلة من الوزير
يا ترى إيه اللي بيحصل في شركة عجيبة للبترول، وليه وزير البترول قرر يروح بنفسه مقر الشركة، هل في كشف جديد، ولا في مشكلة؟.
في الحقيقة، المهندس كريم بدوي وزير البترول، زار مقر شركة "عجيبة للبترول" في مدينة نصر، وقعد مع قيادات الشركة، ومع مسؤولي شركة "أيوك" اللي تبع "إيني" الإيطالية، عشان يتابع بنفسه خطط البحث والإنتاج، وده معناه إن فيه شغل كبير شغال ومحتاج متابعة على أعلى مستوى.
كمان، الوزير قال إن شركة عجيبة حققت طفرة حقيقية في إنتاج البترول خلال ال 6 شهور اللي فاتوا، يعني معدل الإنتاج طلع بشكل ملحوظ، وده في وقت إحنا بنحاول نقلل فيه استيراد الوقود ونركز على الإنتاج المحلي.
ولغة الارقام بتقول، إن في شهر مايو اللي فات، عجيبة وصلت لأعلى معدل إنتاج يومي لها، وهي 44,196 برميل مكافئ في اليوم، والشركة ناوية تحافظ على معدل 30 ألف برميل يوميا خلال السنة الجديدة، يعني مش بس اكتشافات، لأ ذه كمان استقرار واستدامة في الإنتاج.
فوق كل ده، في خطة طموحة جدا، وهي إنهم هيحفروا 14 بير بترولي خلال 4 سنين، وكمان ضافوا أكتر من 5.3 مليون برميل مكافئ للاحتياطي المؤكد، يهني في بترول وفي أمل وفيه شغل اكتر.
كمان، الشركة نفذت مشروع لتقليل حرق الغاز، وعملت أنظمة متطورة للتخلص من المياه اللي بتحتوى ع انبعاثات، يعني مش بس إنتاج ده إنتاج نظيف ككان.
وبردو، في تكامل حاصل بين فرق الاستكشاف والوزارة، وده ساعد في تحسين كفاءة التشغيل وكمان تقليل التكاليف واستغلال الموارد بأفضل شكل ممكن.
بردو، في محطة غاز جديدة هتشتغل بطاقة 100 مليون قدم مكعب/يوم، وخط جديد لنقل الخام لحد ميناء الحمراء.، يعني بنية تحتية تليق بمستقبلنا، عشان كدخ الوزير قال إن الإنجاز ده نتيجة تعب ومجهود جماعي، وإن الوزارة هتفضل داعمة ليهم بكل قوة.
والخلاصة هي إن اللي حصل في "عجيبة" مش بس تطور تقني أو كشف جديد، ده نموذج ناجح لإدارة رشيدة، وتكامل بين شركات مصرية وأجنبية، وخطوة كبيرة ناحية الاكتفاء الذاتي وتحقيق أمن الطاقة.
