دفعة قوية لإنتاج الغاز في مصر.. شوف اللي بيحصل في حقل ظهر
يا ترى إيه اللي بيحصل في حقل ظهر، هل مصر بتسعى لزيادة إنتاجنا من الغاز الفترة دي، ولا هتحصل شراكة أجنبية تقدر تنقلنا لحتة تانية خالص في هذه الصناعة، وإيه اللي ممكن نشوفه الفترة الجاية وهينعكس إزاي على المواطن.
بصراحة، حقل ظهر للغاز رجل يتصدر الترند من تاني، واللي هيقدر يرجع مصر لخريطة إنتاج الطاقة بقوة، عشان كده وزارة البترول أعلنت عن خبر كويس جدا، وهو نجاح حفر بير جديدة اسمها "ظهر 6".
والحقل ده، مقرر إنه يضيف 60 مليون قدم مكعب يوميا من الغاز الطبيعي للإنتاج الحالي، وده معناه إن في غاز أكتر، وفيه أمل أكتر في تأمين احتياجات البلد من الطاقة، وده هينعكس على المواطن البسيط بالإيجاب، يعني الأسعار هتستقر والسلع هتبقى متاحة وبردو فرص عمل أكتر وشغل للشباب.
كمان، كل ما الدولة تنتج غاز أكتر، فهتقل الفاتورة اللي بتدفعها على الاستيراد، وده ممكن يفتح الباب لزيادات في قطاعات تانية زي التعليم أو الصحة.
كمان، الجهاز اللي بيحفر دلوقتي، بمجرد ما خلص "ظهر 6"، راح على طول بدأ في بير تانية وهي "ظهر 13"، واللي متوقع تضيف حوالي 55 مليون قدم مكعب يوميا، يعني بنتكلم عن 115 مليون قدم مكعب يوميا، ودي دفعة مش بسيطة خالص.
طب ليه الكلام ده مهم؟
الخطوة دي بتيجي ضمن استراتيجية مصر في قطاع البترول، اللي بتركز على زيادة الإنتاج المحلي، وكمان تقليل الاعتماد على الاستيراد، وتأمين احتياجات الكهرباء والصناعة خاصة في شهور الصيف عشان مايحصلش تخفيف أحمال، ومايبقاش في أزمة غاز، والمخزون يبقي مطمئن.
عندم بردو، في شراكة قوية بين مصر وشركة إيني الإيطاليةؤ، وده انعكس فس سورة نجاح يعني مش جاي فراغ، لأ ده خلاصة شغل مشترك مع شركة إيني اللي بتدير الحقل، وبيستخدموا أحدث تقنيات الحفر في المياه العميقة، ودي رسالة واضحة إن مصر مش بس بتكمل في ملف الطاقة ذي بتتقدم فيه كمان.
طب إزاي كل ده بينعكس على المواطن؟
أول حاجة، الكهرباء مستقرة في عز الصيف يعني مش هتقطع، وتانب حاجة هي إن المصانع تشتغل من غير توقف، وبردو يكون في فرصة إن الغاز اللي بيزيد ده يتحول لتصدير، يعني عملة صعبة ومكاسب للاقتصاد.
وحاليا، الدولة بتأكد إن فيه دعم مباشر من الحكومة فب ملف الغاز، والموضوع مش بير وخلاص، لأ ده في خطة كاملة لتطوير الإنتاج وتحديث القطاع بالكامل، وده بيحط مصر في مركز متقدم على خريطة الطاقة العالمية.
والخلاصة، مصر مش بس بتحفر آبار، لأ ده كمان بتحفر مكانها في مستقبل الطاقة قدام العالم كله.
