انهيار ورا انهيار.. شوف اللي بيحصل في سوق الذهب.. والاسعار رايحة علي فين
الذهب سعره رجع ينزل تاني.. والاسعار كل يوم بتنهار عن اليوم اللي قبله.. ياتري اية سر الانهيار ده.. وهل الوقت الحالي مناسب للشراء ولا البيع.. واية نصائح الاستثمار في المعدن الاصفر.
الكلام علي اسعار الذهب مش بتخلص خصوصا أن المعدن الاصفر خلال الكام شهر اللي فاتوا سجل زيادات غير مسبوقة، ووصلت اسعاره لارقام كبيرة جدا، وكانت اشد المتفائلين يصدق أنه يجي اليوم اللي اسعار الذهب توصل للارقام خصوصا أن سعر الاونصه تعدي 3500 دولار، وده كان صعب جدا الذهب يوصل له في الفترة القصيرة اللي فاتت، وكانت متوقع يحصل ولكن علي المدي البعيد.
بعد الارقام الكبيرة اللي حققها المعدن الاصفر والأسعار التاريخية اللي وصل لها، الاسعار زي ما صلعت بسرعة الصاروخ، رجعت تنهار تاني بارقام غريبة جدا، وفي الوقت الحالي بنسمع أن سعر الذهب سجل انخفاض جديد، والناس كلها عماله تسال هو الوقت الحالي هو الوقت المناسب للشراء ولا البيع، وهل الاستثمار في الذهب أمن في الوقت الحالي ولا البعد عنه افضل حاجة خصوصا أنه مش معروف له حاجة يومين الاسعار ترتفع ويومين تاني الاسعار بتنزل.
الاسئلة دي كلها جاوبت عليها شبه الذهب، واللي أكدت أن اسعار الذهب في مصر متربطة بالسعر العالمي واللي خلي الفترة اللي فاتت سجلت ارقام كبيرة بسبب الاحداث الاقتصادية والجيوسياسية اللي كانت موجودة واللي اثرت علي السعر العالمي، وبالتالي الاسعار في مصر ارتفعت مع ارتفاعات الاسعار العالمية، ولما السعر العالمي انخفض الاسعار في مصر انخفضت معاه.
الشعبة ردت كمان علي الناس اللي متخوفه من الاستثمار في الذهب، وقالت أن الذهب علي الرغم من انخفاضه بيعد الملاذ الأمن للمستثمرين خصوصا في الوقت اللي الاسواق العالمية بتشهد حالة من التخبط، وكل البنوك المركزية في العالم اتجهت لخفض سعر الفايدة، وبالتالي الاستثمار في شهادات الأدخار بقي محاط بقي مخاطرة.
الشعبة قالت كمان، أن الاستثمار في الذهب بيحتاج وقت طويل علشان العملاء يقدروا يحسوا بالمكاسب والوقت دي مش اقل من سنة، ونصحت المواطنين اللي حابين يستثمروا فلوسهم في الذهب بالنزول فورا والشراء، وعدم البيع في الوقت الحالي خصوصا أن الاسعار مرشحة للزيادة مستقبلا.
