بتخفيضات 15%.. شوف الحكومة بتعمل اية علشان ترجع حركة السفن العملاقة لقناة السويس
كلنا عارفين أن قناة السويس بتمر بتراجع ايرادات غير مسبوقة.. بس في نفس الوقت الحكومة كل يوم بتاخذ خطوة لزيادة الايرادات وقت عودة حركة الملاحة لطبيعتها والمرة دي هتكون من السفن الكبيرة والعملاقة .. ياتري اية اللي عملته القناة.. واية مستهدفات الدولة من الخطط الجديدة.
من 2023 وقناة السويس واللي كانت بتعد أهم واكبر مصدر دخل دولاري لمصر من الخارج للاسف ايراداتها باكثر التوترات الجيوسياسية اللي بتحصل في منطقة الشرق الأوسط واللي كانت سبب في تراجع ايرادات القناة باكثر من 70% من الايرادات اللي كانت الدولة بتحققها من رسوم العبور بالمجري الملاحي لخط القناة ووصلت خسائر مصر من الإيرادات اللي كانت بتتحقق في السنين اللي فاتت لأكثر من 7 مليار دولار.
الخسائر اللي حققتها قناة السويس من رسوم العبور، بدأت الدولة تدور علي بدائل لها علشان تعوضها حتي لو بارقام نسبة ، وكمان تكون الدولة مستعدة لعودة حركة الملاحة الجوية لطبيعتها في حالة استقرار الأوضاع السياسية في المنطقة خصوصا أن عودة الهدوء عايز حل فقط للتوصل إلي اتفاق، الاتفاق ده في أطراف سياسية كتيرة بتسعي علشان توصل له.
خلال السنتين اللي فاتوا الحكومة استغلت حالة الركود في حركة عبور السفن علي طول الخط الملاحي لقناة السويس، وبدأت تجهز خدمات ترفيهية ولوجيتسية استعدادا لعودة حركة الملاحة لقناة السويس من جديد، والهيئة الأقتصادية لقناة السويس توسعت في الخدمات اللوجستية اللي هيتم تقدمها للسفن العبارة خلال القناة، والحكومة عندها هدف لتحويل القناة إلى منصة إقليمية لتقديم الخدمات اللوجستية زي خدمات الصيانة والإصلاح للسفن العابرة.
مش كده بس لا ده كمان الحكومة انتهت من مشاريع لتطوير المجرى الملاحي لطول خط القناة وده بهدف تعزيز قدرة القناة لاستيعاب السفن العملاقة، خصوصا أن الحكومة عندها خطة لتعويض الخسائر اللي حققتها القناة علي مدار السنتين اللي فاتوا بارقام مضاعفة وقت عودة التشغيل الفعلي وعودة حركة الملاحة البحرية بالقناة لطبيعتها .
الشغل اللي قامت بيه الحكومة علي مدار السنتين اللي فاتوا استهدف تعزيز الاستثمارات في المنطقة الاقتصادية، والدولة استهدفت جذب استثمارات ورؤوس الأموال الأجنبية للمنطقة الاقتصادية لقناة السويس من خلال تقديم حوافز استثمارية وضريبية، وكمان قدمت تسهيلات كبيرة في الإجراءات.
مؤخرا الهيئة الاقتصادية أعلنت عن بدء مرحلة جديدة في استعادة قناة السويس لحركة عبور سفن الحاويات العملاقة، وده بعد التخفيضات الكبيرة اللي منحتها هيئة قناة السويس للعبور واللي وصلت لـ15% لسفن الحاويات اللي بتتجاوز حمولتها الصافية 130 ألف طن، سواء كانت محملة أو فارغة لمدة 3 شهور .
هيئة قناة السويس بدأت كمان تتواصل مع العملاء، وأكد لهم أنها هتتخذ كل الإجراءات اللي هدفها تشجيع عودة الخطوط الملاحية الكبرى للعبور من القناة مرة تانية من خلال اتباع سياسات تسعيرية مرنة بما يضمن التفاعل الإيجابي مع متغيرات السوق العالمية.
