إيه اللي حصل في سعر الدهب؟ وهل هتستمر موجة الهبوط؟
يا ترى إيه اللي بيحصل في سعر الدهب، إيه سر الهبوط في الأسعار بعد موجة الارتفاع المفاجئة، وهل الانخفاض ده مكمل معانا شوية؟
حاليا، أسعار الدهب العالمية انخفضت بعد ما كانت مسجلة موحة ارتفاعات قياسية ماحصلتش كتير، وده يعد ما وصلت لأعلى مستوى من شهرين عند 3451 دولار للأونصة، لكتها فجأة نزلت زي الصاروخ لتحت ال 3400 دولار، يعني انخفاض بنسبة 1.4 %.
والحقيقة، الناس دلوقتي كلها كانت قلقانة من فكرة تورط أمريكا في الحرب بين إيران وإسرائيل، واللي زودت التوتر واشتعال الأسواق، لكن لما البيت الأبيض طلع وقال إنهم مش هيدخلوا عسكريا، السوق خاف من التهدئة، وسعر الدهب بدأ يهبط.
وبرغم إن ترامب لسع بيصعد في لهجته ضد طهران، إلا إن فيه كلام عن مفاوضات ووقف إطلاق نار، والأنباء المتضاربة دي خلت السوق كله متلخبط والدهب نزلت اسعاره.
يعني مثلا عندنا في مصر، سعر عيار 21 اللي هو الأشهر الاكتر مبيعا، استقر شوية النهاردة بعد النزلة اللي حصلت امبارح، وبدأ عند 4830 جنيه للجرام لحد ما وصل ل 4825 جنيه.
طب ليه نزل؟
طبعا، عشان الدهب العالمي نزل، وكمان الدولار نزل في البنوك مقابل الجنيه، فالتأثير بقى مضاعف عندنا، وسعر الجرام هبط حوالي 90 جنيه في يوم واحد.
والكلام ده مغناه إن السوق المحلي اتأثر بحاجتين، الأولى هي تراجع السعر العالمي المعدن الاصقر، وتأتي حاجة هي تراجع سعر صرف الدولار في مصر.
كمان، الناس اللي بتفهم في السوق بتقول إن التقلبات دي مش هتنتهي قريب، لأن الأزمة في الشرق الأوسط لسه مش محسومة، ولا الحرب خلصت ولا التهدئة وصلت، ورغم كده، في ناس شايفة إن الدهب ممكن يرجع تاني لقمة 3500 دولار لو التوترات زادت أو التضخم رجع يضغط على الاقتصاد الأمريكي.
عشان كده، كل العيون دلوقتي على اجتماع الفيدرالي الأمريكي، ومنتظرين يقول إيه عن أسعار الفايدة، عشان لو لمح إن فيه نية للتثبيت أو حتى خفض الفايدة، ممكن نرجع نشوف الدهب بيطير تاني.
وفي كمان تقرير مهم من مجلس الذهب العالمي، بيقول إن 73 بنك مركزي حوالين العالم بيفكروا يزودوا احتياطياتهم من الدهب ويقللوا اعتمادهم على الدولار، وده معناه إن في طلب عالمي متوقع يزيد على الد، وده ممكن يغير اللعبة في أي لحظة.
والخلاصة هي إن عر الدهب متذبذب، فل بتفكر تشتري، تابع السوق، ولو انت مستثمر فكر دايما في المدى الطويل.
