مفاجأة كبرى من الحكومة في ملف الطروحات الحكومية.. ايه اللي هيحصل بعد العيد
بعد العيد هتكون في مفاجات كتيرة بخصوص ملف الطروحات الحكومية خصوصا أن هتبدا من منطقة مهمة وحساسة جدا في الدولة المصرية.. ياتري اية اللي هيحصل في برنامج الطروحات.. وآية مستهدفات الحكومة من البرنامج ده.
من فترات طويلة والحكومة بدأت برنامج مهم للتخارج من عدد من القطاعات المملوكة للقطاع العام واللي كانت بتمثل عبئ علي الناتج القومي المصري والهدف من البرنامج ده هو تحويل القطاعات دي الي روافد جديدة في الناتج القومي المصري، وده واحد من الخطة الاقتصادية اللي الحكومة شغاله عليها حاليا لتحويل كل القطاعات اللي موجودة في الدولة المصرية الروافد جديدة ومستدامة في الناتج القومي المصري.
طيب برنامج الطروحات الحكومية وصل فين ؟.
الفترة اللي فاتت الدكتور مصطفى مدبولي رئيس مجلس الوزراء أعلن عن انتهاء استعدادات الحكومة لطرح عدد جديد من الشركات للشراكة مع القطاع الخاص والشركات دي هتتراوح ما 6 الي 7 شركات هتشمل بنك القاهرة والمصرف المتحد والبنك العربي الأفريقي الدولي وشركة مصر لتكنولوجيا التجارة وشركة النصر للإسكان والتعمير وشركة المعادي للتنمية والتعمير وشركة المستقبل للتنمية العمرانية وشركة مصر لأعمال الأسمنت المسلح.
الشركات اللي هتطرحها الحكومة للشراكة مع القطاع الخاص هتشمل حاجة مهمة جدا وهتحصل لاول مرة وهيا طرح المطارات قدام القطاع الخاص والخطوة دي وأخذه جزء مهم جدا من اهتمامات الحكومة خصوصا أن المطارات بتعد واحدة من ادوات الأمن القومي المصري وعلشان كده طرحها للشراكة قدام القطاع الخاص محتاج ترتيبات ودراسات خاصة، وده اللي الحكومة شغاله عليه حاليا واعلنت عن التعاقد مع مكتب استشاري عالمي هدفه الأساسي تقديم خدمة الاستشارات في الطرح الجديد للمطارات للشراكة مع القطاع الخاص والمناطق اللي هتكون محل دراسة لإقامة مشروعات تجارية.
لازم نكون عارفين ان مصر في الوقت الحالي بتضم أكثر من 21 مطار بما فيهم مطار القاهرة الدولي واللي بيعد المطار المحوري والرئيسي في الدولة المصرية، والحكومة حددت أول خطوة في خطة طرح المطارات ضمن برنامج الطروحات الحكومية والخطوة دي هتبدا من مطار الغردقة واللي هيكون اول مطار هيتم طرحه للشراكة مع القطاع الخاص .
وزارة الطيران المدني في الوقت الحالي بدات تدرس العروض اللي وصلت لها علشان تختار افضلهم واكثر عائد وافضلهم من الناحية الأدارية وبما لا يؤثر علي الخدمات الأمنية وخدمات المسافرين بالمطارات خصوصا أن المطارات بتعد واحدة من بوابات مصر الخارجية وهيا أول حاجة بتيجي عليها عين المسافر من لحطة نزوله للمطار، وبيكون لها اول واخر اثر في نفس السائح اللي جاي مصر علشان يقضي اجازته وبناء عليها بيحدد نسبة كبيرة من امكانيته عودته مرة تانية أو لا، والشراكة اللي حددتها الدولة هتكون في المناطق الاقتصادية الموجودة في المطارات بس، وهتشمل تشغيل مطاعم وكافتيريات وبازارات لاشهر الماركات العالمية.
