بعد خفض الفايدة.. تعرف على أعلى شهادات الإدخار ببنكي الأهلي ومصر
قرارات البنك المركزي بخفض اسعار الفايدة، خلت الناس تدور علي اعلي شهادات الأدخار الموجودة في السوق بهدف تحقيق أعلي مكسب.. ياتري اية هيا اعلي شهادات الأدخار الموجودة في السوق.. واية خطوات ورسوم شرائها وبتوصل قيمتها لكام.
من وقت قرارات البنك المركزي بخفض أسعار الفائدة لمصر واللي كانت علي اجتماعيين متتاليين واللي كان فيها الاجتماع الأول بخفض أسعار الفائدة بنسبة 225 نقطة أساس والاجتماع التاني واللي كان بخفض 100 نقطة أساس، والناس كلها خصوصا العملاء المهتمين بالاستثمار في الأوعية الادخارية بتدور علي الشهادات والوسائل اللي بتدي اعلي نسبة فائدة في الأسواق، خصوصا أن أغلب الأوعية الادخارية الموجودة حاليا في السوق عليها مشاكل أولهم الذهب واللي أسعاره بعد كانت في الطالع رجعت تنخفض تاني وبارقام كبيرة.
التذبذب الكبيرة في أسعار الذهب والارتفاع الكبير في أسعار العقارات في مصر واللي بتعاني من وجود فقاعة عقارية كبيرة في السوق العقاري واللي مسببه أزمة كبيرة وركود في سوق العقارات في مصر..
طيب اية هيا اعلي شهادات الادخار الموجودة في مصر ؟.
البنك الاهلي المصري وبعد قرارات البنك المركزي بتعديل أسعار الفائدة في مصر، قرر تعديل اسعار الفائده علي شهادات الادخار، وأصبح العائد على الشهادة البلاتينية ذات العائد المتدرج الشهري بحد أدنى للاكتتاب 1000 جنيه لمدة 3 سنوات بسعر عائد تناقصي بيوصل لـ23% للسنة الأولى و19% للسنة الثانية و15% للسنة الثالثة، والشهادة البلاتينية ذات العائد المتدرج السنوي بحد أدنى للاكتتاب 1000 جنيه لمدة 3 سنوات بسعر عائد تناقصي بيوصل العائد بتاعها لـ 27% للسنة الأولى و22% للسنة الثانية و17% للسنة الثالثة.
ومن البنك الاهلي نروح لبنك مصر واللي أعلن عن شهادة يوماتي ودي بتقدم عائد يومي، واللي بتعد واحدة من الخيارات القليلة اللي بتجمع بين العائد المرتفع وإمكانية استرداد قيمة الشهادة بشروط مرنة.
بنك مصر اعلن عن تفاصيل شراء شهادة يومياتي واللي بتبدأ الحد الأدنى للشرايها من 1000 جنيه مصري ومضاعفاتها وده بيخليها في متناول فئات متعددة من العملاء، وبتوصل مدتها ل 3 سنين وبتدي العميل دورية صرف عائد يوميا بتضاف مباشرة إلى الحساب المرتبط بالشهادة، وكمان بتتيح إمكانية الاسترداد الكلي أو الجزئي بعد مرور 6 أشهر من تاريخ الإصدار، مع خصم نسبي على العائد بيوصل إلى 3% في السنة الأولى، و2% في السنة الثانية، و1% في السنة الثالثة.
بنك مصر عطي الحرية لعملاء شهادة يومياتي إمكانية الاقتراض بضمان الشهادة وبتكون متاحة لحد 90% من القيمة الاسمية للشهادة، وده بيمنح العميل قدرة على الاقتراض دون الحاجة إلى كسر الشهادة أو خسارة العائد بالكامل.
بنك مصر حدد خطوات شراء شهادة يوماتي واللي بتكون متاحة من كل فروع بنك مصر أو من خلال القنوات الإلكترونية المتاحة لشراءها.
