الدولار بقي ذكرى.. الجنيه ينتفض ونهاية البعبع الأخضر

انتهي زمن الأزمات وشح الدولار وماتت السوق السودا للعملة.. والمحنة اتحولت لمنحة.. والنهاردة الدولة بتلعب بالدولار لعب والمعروض بيزيد والجنيه عوده بيشد والدولار بينزف خسارة ورا خسارة كل يوم في البنوك.. والعاصفة انتهت.. وبكرة يبقي تاريخ وذكرى زي ما قال الرئيس.

الحكومة وقبلها البنك المركزي قدر يحول أزمة الدولار من سنة 2022 لفرصة مش هتتعوض لتصنيع الدولار في مصر عن طريق التصنيع المحلي وتطوير الموارد الدولارية والقفزة في كل المؤشرات وانطلاق الاقتصاد المصري..

خلاص مفيش أزمات تاني ولا تجار عملة لكن فيه وفرة دائمة في الدولار وتدفقات دولارية بتزيد كل يوم.. وفرص عظيمة في الأسواق المصرية لكل أنواع الاستثمار.. الجنيه المصري بيعيش انتعاشة قوية أمام الدولار اللي بينزف في البنوك وخسر أكتر من 2 جنيه في خلال شهر واحد ولسه هينزل وينتهي زمن الأخضر واللي جاية كلها أيام الجنيه.