مصر في القلب.. خريطة التحالفات الاقتصادية العالمية الجديدة

إزاي مصر هتكون جزء مهم جدا من النظام الاقتصادي العالمي الجديد.. وايه امكانيات مصر اللي هتأهلها تلعب دور حيوي في النظام الجديد.

كلنا تابعنا زيارة الرئيس الأمريكي ترامب للخليج العربي وسمعنا عن حجم الصفقات الاقتصادية والصناعية والتجارية الضخمة بين أمريكا ودول الخليج التلات السعودية والإمارات وقطر ودا غير الشراكات الاستراتيجية بين الدول الخليجية والولايات المتحدة الأمريكية واللي بتقول إن الولايات المتحدة ثبتت أقدامها في الخليج العربي الغني بالنفط وفرص الاستثمار الواعدة ونقدر نقول عليه محور اقتصادي عالمي جديد.

شهادة ثقة جديدة.. ماذا قال صندوق النقد عن الاقتصاد المصري؟

من الصمود لتحقيق النمو.. الاقتصاد المصري يكشر عن أنيابه ويحقق طموحات المصريين

في المقابل الصين ودول أوروبا المنافس الرئيسي للنفوذ الاقتصادي الأمريكي بيتحركوا في كل الاتجاهات عشان يبنوا محاور موازية للدور الأمريكي خاصه إن الصين وأوروبا بدأو يدوروا على مصالحهم الاقتصادية وزيادة التحالفات والشراكات مع دول تانية إقليمية مؤثرة خاصه بعد سياسة ترامب العقابية ضد الصين ودول الاتحاد الأوروبي واللي بيعتبر حليف تاريخي للولايات المتحدة واللي لأول مرة تخرج منه أصوات تطالب بالاستقلال الاقتصادي عن واشنطن وألمانيا وفرنسا هما اللي بيقودوا التوجه داخل الاتحاد الأوروبي.

طيب مصر موقعها ايه في التكتلات الجديدة في المنطقة ؟
زي ما قلنا الصين وأوروبا بيدورا على تكتلات إقليمية لتعزيز نفوذهم الاقتصادي والتجاري بعيدا عن الولايات المتحدة ومصر هي كلمة السر في التحالفات والشراكات الجديدة وبدأت الصين في تقوية علاقاتها الاقتصادية والتجارية والصناعية مع القاهرة من خلال استثمارات ضخمة وصناعات صينية متطورة وبناء مدينة صناعية صينية كاملة في المنطقة الاقتصادية لقناه السويس عشان تكون ذراع صناعي ليها في المنطقة من خلال شراكة استراتيجية مع مصر والمنطقة الصناعية الصينية دي مجرد بداية لاستثمارات تانية في الطريق.

نفس الأمر بالنسبة لاوروبا واللي استقبلت قريب 6 من زعماء الاتحاد الأوروبي وتم خلال الزيارة توقيع اتفاقية شراكة استراتيجية مع القاهرة في مختلف القطاعات لتكون مصر قاعدة صناعية أوربية ضخمة وتقديم حزم مالية كبيرة لمساعدة مصر على النمو الاقتصادي والانطلاق الاقتصادي.

روسيا لحقت بالصين وأوروبا وقررت زيادة استثماراتها في مصر في مجالات كتير زي الطاقة النووية في الضبعة وتوطين الصناعات الروسية في مصر من خلال المدينة الصناعية الروسية في اقتصادية قناة السويس ودي بردو مجرد بداية لمشروعات ضخمة عشان يكون لروسيا موضع قدم في منطقة.

الشرق الاوسط اللي مليانة فرص اقتصادية من ناحية ومن الناحية التانية مواجهة النفوذ الاقتصادي الأمريكي.

طيب اشمعنا مصر بالذات اللي الصين وأوروبا وروسيا عملوا معاها تحالفات اقتصادية ؟
دا لأسباب كتير جدا أولها الموقع الاستراتيجي والجغرافي المميز للدولة المصرية في قلب العالم وتاني سبب لامتلاك مصر بنية أساسية قوية زي الموانئ العملاقة والمناطق اللوجستية الكبيرة وانتعاش صناعة التعهيد أو التصنيع للغير وكمان عشان وجود قناه السويس أهم ممر ملاحي في العالم وتقاطعها مع أهم خطوط التجارة الدولية وفي نفس الوقت مصر بتعيش نهضة اقتصادية كبيرة خلت مؤسسات دولية مرموقة تتوقع وصول اقتصادها للمرتبة السابعة عالميا في ضوء التطور الاقتصادي السريع حاليا وخطط النمو المستقبلية.. كل دا خلى مصر حليف اقتصادي مثالي القوى المضادة للولايات المتحدة الأمريكية في المنطقة والتحالفات الجديدة.