كنز دولارات هيدخل للبلد 5 مليار دولار كل سنة.. هنقولك ليه الدولة مهتمة بصناعة الأدوية
كل يوم مصر بتفتح باب جديد من مصادر الدخل الدولاري في الناتج القومي والمروة دي مصدر مهم جدا من الأدوية باتري اية اللي الدولة بتعمله في ملف صناعة الأدوية.. وآية مستهدفات الحكومة من خطة التوسع في صناعة الدواء.
الفترة الرئاسية الجديدة للرئيس عبدالفتاح السيسي قائمة علي التوسع في كل الصناعات خصوصاً الصناعات الاستراتيجية واللي هيا بتهم كل مواطن في الشعب المصري، وطبعا الدواء واحد من الحاجات اللي مفيش اي دوله في العالم تقدر تستغني عنها علشان كده الدولة كان عندها هدف من البداية للتوسع في صناعة الدواء وتأمين علاج المصريين ووقف الاستيراد من الخارج خصوصا أن فاتوره استيراد مصر من الأدوية خلال السنين اللي فاتت كانت مرتفعة وكبيرة جدا.
الجهود اللي قامت بيها الحكومة علي مدار السنين اللي فاتت ظهرت أهميتها وقت جائحة فيروس كورونا واللي العالم كله وأغلب الدول العظمي في العالم كانت مش قادرة تتعامل مع الفيروس ولا تواجه لمن الموقف في مصر كان مختلف تماما والأمور كانت تحت السيطرة وكمان قدرنا ننتج دواء مصري قادر علي تحجيم ووقف نشاط الفيروس، ده غير أن الحكومة بعتت إعانات كتيرة للدول الصديقة لمواجهة الوباء العالمي .
طيب إزاي مصر الحكومة بتتعامل مع ملف صناعة الأدوية وآية خطة الحكومة للتوسع فيها ؟.
الحكومة عندها هدف اساسي ورئيسي وهو توطين الصناعة واستهداف استثمارات جديدة في كل المجالات واحد من المجالات دي هو صناعة الأدوية لتغطية احتياجات السوق المحلية وتقليل الواردات وزيادة الصادرات، و علشان الحكومة توصل لهدفها وتحقق خطوتها في تحقيق الاكتفاء الذاتى من صناعة الدواء، فالدولة اخذت قرار بفتح الباب قدام القطاع الخاص للدخول والمشاركة في إنتاج دواء المصريين وكمان العودة للتصدير الخارج، وفي الفترات اللي فاتت الحكومة عملت اجتماعات كتيرة جدا مع مسئولي كبرى الشركات العالمية، وقدمت لهم الدعوة للدخول للسوق المصري وكمان الاستفادة من التسهيلات اللي بتقدمها الحكومة للمستثمرين وأصحاب رؤوس الأموال الأجنبية.
السنين اللي فاتت الحكومة استهدفت التوسع في استيراد المواد الخام اللازمة لاستمرار تشغيل صناعة الدواء في مصر، وكمان عملت شراكات كبيرة من كبري الشركات العالمية للدخول للسوق المصري ونقل وتوطين أحدث التكنولوجيا، وتطبيق أفضل الممارسات العالمية في صناعة المواد الخام الدوائية، خصوصا أن المواد الخام هيا عصب صناعة الدوام.
الحكومة في الفترة الحالية بتستهدف رفع عوائد صادرات الصناعات الدوائية المصرية من مليار دولا حاليا الي 5 مليار دولار سنويا في السنين اللي جاية، وعلشان نوصل للرقم ده مصر بتعمل محاولات كبيرة جدا للإنضمام الي التحالفات العربية والافريقية واللي هتسهل تسجيل وتصدير الأدوية لجميع بلدان الوطن العربي والقارة السمراء.، وفعلا الحكومة نجحت في الفترة اللي فاتت أنها تفعل دور الوكالة العربية للأدوية واللي هيكون بها دور مشابهة لدور وكالة الدواء الأوروبية واللي هتتيح تسجيل جميع أدوية المصنع الواحد في كل البلدان الأوروبية بمجرد الحصول على ترخيص واحد من الوكالة.
