لو متعرفش.. مميزات جديدة في انستاباي
كتير مننا مايعرفوش إن فيه خدمات كتيرة في انستاباي تطبيق المدفوعات اللحظية التابع للبنك المركزي المصري، غير تحويل الفلوس.. ياترى إيه الخدمات اللي بيقدمها التطبيق وإزاي قدر يغير مفهوم الدفع الالكتروني بسرعة وأمان.. خليكم معانا
تطبيق انستاباي زي ما احنا عارفين بيوفر عدد من المميزات الكبيرة ومثلت طفرة في التعامل المالي وتكنولوجيا المدفوعات زي مثلا إتاحة فرصة دفع الفواتير زي الكهرباء والمياه والغاز والإنترنت والتليفون الأرضي وكروت الشحن والفكة وغيرها، من البيت عبر الموبايل .
وزي ماقلنا قبل كده إن تطبيق إنستاباي مدعوم من القطاع المصرفي المصري كله يعني أغلب البنوك بتتعامل عليه، وبيوفر امكانية الوصول إلى الحسابات البنكية وإدارتها من مكان واحد، وبيتيح استقبال وتحويل الأموال مباشرة بطريقة لحظية، سواء باستخدام المحمول أو عنوان التعريف اللحظي (IPN) أو رقم البطاقة البنكية أو رقم الحساب البنكي.
كمان انستاباي بيتيح إمكانية تحويل الفلوس سواء بين حساباتك البنكية وبعضها، أو من حساباتك البنكية إلى المحافظ الرقمية، زي محفظة فودافون كاش أو بطاقة ميزة مسبقة الدفع.
ومع نجاح التطبيق حصل تحديث وتطوير لانستاباي عن طريق شركة بنوك مصر واللي بتملكها 4 مؤسسات مالية وهي البنك المركزي المصري، والبنك الأهلي، وبنك مصر، إضافةً إلى بنك الاستثمار القومي.
كمان التطبيق قدر يربط المؤسسات المالية داخل مصر بنظام شبكة المدفوعات اللحظية IPN لمعالجة المدفوعات، وهو شبيه بشبكة ACH لمعالجة المدفوعات بين المؤسسات المالية في الولايات المتحدة، أو نظام سويفت لتحويل الأموال بين المؤسسات المالية دوليًا.
طيب إيه هي خطوات دفع الفواتير من انستاباي
- يقوم الراغب في سداد الفواتير من خلال انستاباي بالدخول على الحساب الخاص به على التطبيق.
- ثم يقوم باختيار الأيقونة الخاصة بسداد الفواتير، ثم يختار نوع الفاتورة التي يرغب في سدادها سواء كانت كهرباء أو مياه أو غاز أو تليفون أرضي أو انترنت.
- وبعدها يقوم بإدخال البيانات المطلوبة الخاصة بالعدادات بالنسبة للمرافق الأساسية أو رقم التليفون بالنسبة لفاتورة التليفون الأرضي والإنترنت.
- وبعدها يتم مراجعة بيانات التحويل، وإدخال الرقم السري IPN المكون من 6 أرقام واضغط على «إدخال» تم التحويل بنجاح.
وبعد اتباع الخطوات السابقة، هتظهر لك تفاصيل الفاتورة إذا قمت بالدفع بالإضافة إلى ظهور إيصال يمكنك طباعته والاحتفاظ به.
طيب هل تطبيق انستاباي بيقبل جميع أنواع الفواتير.. الإجابة أيوا انستاباي باي بيقبل جميع أنواع الفواتير في مصر، ودي حاجة محدش كتير يعرفها زي فواتير الكهرباء والمياه والغاز والاتصالات والتعليم وغيرها، كمان تقدر تدفع من خلال التطبيق طالما إن الشركة مزود الخدمة تدعم الدفع من خلال انستاباي.
طيب بخصوص رسوم دفع فواتير الإنترنت من خلال تطبيق انستاباي.. عشان تعرف رسوم دفع فاتورة النت من انستا باي هي 4 جنيه فقط.
السؤال الأهم اللي جالنا بانكير وهو هل ممكن دفع فواتير الإنترنت للغير من خلال تطبيق انستاباي.. والإجابة أيوا تقدر تدفع فواتير الإنترنت للغير من خلال تطبيق انستاباي، وكل اللي عليك غير تدخل رقم تليفون المستفيد ودفع الفاتورة.
وبخصوص حد التحويل اليومي والشهري في انستاباي
فالحد الأقصى للمعاملة الواحدة يوميًا هو 70 ألف جنيه مصري.
- الحد الأقصى للمعاملات اليومية هو 120 ألف جنيه مصري.
- الحد الأقصى للمعاملات الشهرية هو 400 ألف جنيه مصري.
